2017 補濕用品

天氣轉乾開頭，安安半夜流鼻血，媽媽仲以為流鼻水，熄風扇。第二朝見張床血漬斑斑先知乜事。之後一位經常流鼻血既姨姨話飲蜜糖好，咁就派爸爸去。Catalo 專門店買Manuka $368 / 250g, HSBC 信用卡有88折。其實根據選擇月刊既測試，有更好的選擇，不過屋企附近搵唔到。

之後敏敏同安安皮膚開始乾到起粒同有d 地方出濕疹。一日用Aveeno Baby Daily Moisture Lotion 搽3，4次。安安情況太嚴重就睇埋中醫，食中藥加用紫雲膏($70)。最近兩姊弟都好左好多。

Aveeno Baby Daily Moisture Lotion 優品360 $69， 萬寧/屈臣氏行貨 $89，屈臣氏買2支85折。

夏天一直主要用Base Formula 既蘆薈凝膠 ($139 / 500ml )補濕，安安有幾次d 濕疹都係靠佢好返。不過秋乾之後，蘆薈只能幫佢止下痕消少少炎，唔夠潤。